వేకువ వలపు

సుధామధుర కిరణాల అరుణోదయంలో
ప్రేమామృతధారల సెలయేటి ప్రవాహంలో
ఊపిరి సలుపలేక కౌగిలి వీడలేక నిను వదలక
నలిగిన మల్లెల ఇంపుల మత్తులో కోరికలు విచ్చగ

భానుడి రాకకు అవరోధముంటే ఎంత బాగుండు
కోయిల కూతకు పూచిన పూతలు అడ్డైతే మెండు
తన్మయత్వపు తలపుల మధ్య సన్నని సంగీతం వింటూ
కదులుతున్న కాలాన్ని కట్టడిచేస్తే చాలనుకొంటూ

సిగ్గులొలుకుతున్న చెలి చెక్కిలి గిల్లి అక్కున చేర్చుకొని
మక్కువతో ముద్దులిడగ, చుంబనాల స్వరమువిని
-ఇక చాలు లేవండి! ఎవరైనా వింటే మరి
వీరికి హద్దు పొద్దు లేదా అంటారని చేజారింది!!