Wednesday, March 14, 2007

సర్వే

గొప్ప పరిశ్రమ స్థాపించాలని ఉవ్విళ్ళూరుతున్న ఒక సంపన్న యువకుడు ముందుగా ఇతర పరిశ్రమలు,సంస్థల గురించి తెలుసుకోవడం మంచిది అని అలోచించి ఒక సర్వే చేయాలనుకొంటాడు.ముందుగా హైటెక్ సిటీకి వెళ్లి ఒక సాఫ్ట్‌వేర్ ఉద్యోగితో, మీ కంపెనీలో ఎంతమంది పనిచేస్తారు అని అడిగాడు, దానికి సదరు ఉద్యోగి, సుమారు ఒక 300 మంది అని చెప్పాడు.అతని దెగ్గర ఇతర వివరాలు తీసుకొని అమీర్‌పేట్‌లో ఉన్న ఒక కాల్ సెంటర్ ఉద్యోగిని పిలిచి మీ సంస్థలో ఎంతమంది పని చేస్తారు అని అడగ్గా,200మంది మూడు షిఫ్ట్లలో పనిచేస్తారు అని చెప్పాడు.పనిలోపని ఒక ప్రభుత్వ సంస్థ గురించి కూడా వివరాలు తెలుసుకొంటే మంచిదనుకొని దెగ్గరలో ఉన్న హూడా కాంప్లెక్స్‌కి వెళ్లి అక్కడ బయట కాంటీన్‌లో తీరిగ్గా కూర్చొన్న హూడా ఉద్యొగిని, మీ సంస్థలో ఎంతమంది పని చేస్తారు అని అడిగాడు...దానికతడు తాపీగా సుమారు మూడోవంతు మంది అన్నాడు!

No comments: