పుష్ప విలాపం

వర్ణాలు వేరైనా చెలిమితో కలిసున్నాము

మన మూలమొకటేయనెరిగి మురిసాము

పలు రంగుల్లో పుష్పించి కనువిందు చేశాము

మనలను నాటిన మనిషిని మెప్పించాము!

కానీ... మాలాగే విభిన్నవర్ణాల వాడు

ఏనాడు అంతాఒకటేనని ఐకమత్యం పాటించడు!

మనుష్యజాతి ఒకటే అయినా వివక్షలు శతకోటి

భూసురుడొకడట బురదవంటి వాడొకడట!

తెల్లవాడు దొరట నల్లోడు బానిసట!

నా భాష మిన్నంటే మా సంస్కృతికి లేదు సాటని

తన మతం శ్రేష్టమని మరొకరి అభిమతం నికృష్టమని

నిందలెన్నో చేసుకొంటూ కయ్యానికి చిందులేస్తూ

విజ్ఞానము సాధించామంటూ వినాశనమునకు చేరువైరి!

my cell phone snap