యద మది మాట వినదే
మది యద ఘోష కనదే....
నిశోషస్సుల నడుమ వ్యత్యాసమెరుగక
నాలో నేను లేనే లేని విడ్డూర స్థితి
శీతోష్ణాల ద్వయానికి నిశ్చలంగా నిలిచి
సంగ్రహించలేని సంచలన గతి
గర్జించే మేఘాలు, మంచు బిందు గోళాలు
తుమ్మెదల ఝుంకారాలు, పిచుకల ఇసుక స్నానాలు
వెండి వెన్నెల అందాలు, ఉదయ బానుని కిరణాలు
నింగిన కొంగల వరుసలు, నేలన గోవుల అరుపులు
శ్రవణ వీక్షణాలన్నీ ఇంపే, నాకై తను తనకై నేను
ఒకరికి ఒకరమైన విశేష సమయాన
సకల క్షణాలూ సంబరాలే, నిత్యం నాతో వసించుటకు
చెలి చెంత చేరిన శుభ జీవన యానాన
యద మది మాట వినెనే
మది యద ఘోష కనెనే....
No comments:
Post a Comment