సంధి

ఎగసిపడుతూ తమవైపు దృష్టి సారించమని

హోరున పోరు పెడుతున్న అలలను విస్మరించి

నిలకడగానున్న ఇసుకతిన్నెల గర్వమును చూసి

కరిగిన నెలవంక తన వెన్నెలతో హత్తుకొంది

ఆ వెండివెలుగుల వెన్నెల్లో తడిసి

రెట్టించిన అందంతోనున్న ఇసుకతిన్నెలు

గాలికెగసిన కొన్ని రేణువులను

తీరమున నిలిచిన నా చెలి పాదముల చెంతకు

కలవరపడుతూ సంధికి పంపాయి!

ఇంతిని చూసి నెలవంక తమనింక చూడడేమోనని

వెన్నెల ప్రేమను తమపై ఒలకబోయడేమోనని...