వానజల్లు

నీటి చుక్కల దాటికి నేల రాలిన పువ్వొకటి

వాన నీటి కాలువ ప్రవాహంలో

తోడులేక ఒంటరిగా నసివారెనె!

సౌరభాల సొంపులు ఇంపైన రంగులు

కలగలిసిన పువ్వది నీటి సుడుల్లో చిక్కినది

వానజల్లులో ఒళ్ళంతా తడిసి ముద్దైయ్యింది!

విప్పారిన అందంతో నిత్యం నిలవాలనుకొంది

తడిసిన ఆనందానా తల్లి కొమ్మను వీడింది

నీటిలో తేలుతూ తలలో ఒక పూట శోభిస్తే చాలనుకొంది!

నీటి చుక్కల దాటికి నేల రాలిన పువ్వొకటి

వాన నీటి కాలువ ప్రవాహంలో

తోడులేక ఒంటరిగా నసివారెనె!