తొలి చూపు

తొలి చూపుల చిరు జల్లుకు

వెన్నెల మంటలు రేగేనె

నీ క్షణిక చూపుల శరాలు

యద గదిని తొలచేలె

వెనువెంటనే నీ జంటను కాక్షించితిని

నీ నగవుల సెగలలో

నే స్వాంతన పొందగ

నా కలల కౌగిలిలో

నువ్వు చెంతన చేరగ

కలిగిన వింత భావం ప్రణయమని

నీ కొరకై నా తపన

చింత చిగురింతై విరియగ

నీ రూపం నను వీడక

వింత పులకింతై పుష్పించగ

విరిసిన వలపు పుష్పం ప్రేమని

నా స్వప్నం నిత్య సత్యమని

నిను చేరగ నలు దిక్కులు వెదకితిని

నా డెందపు రవములను

విందువేమోనని అరుదెంచితిని

దవళ కాంతుల దివ్య సుందరి దరి చేరెదనని...