విరహాగ్ని

ఝర్ఝరీనాధములా ఝరియొకటి సాగి

గుప్పెడు గుండెలో కలవరం రేపగా

జల జల సవ్వడుల సారధి ఎవరని

నలుదిక్కులు నయనాలు విప్పారి వెధకగ

నగవుల సరముతో మగువను గాంచితిని!

అరుణ విరుల అందం సహితం చిన్నబోయే

ఆమె ముగ్ద ముఖారవింద ప్రకాశమందు

ఇరు పుష్పముల సౌరభములు సహితం

ఆ ఇంతి వాసనల సాటి రాలేకపోయెను

తన అమృతాదరములన్‌జూచి విరాళి...

సురాసురుల సాగరమధనమున జనించి

జగడమూలమైన ఆ సురను మైమరపించే

భాసుర నారీమోహము నాలో జ్వలించగ

ఆ కాంతాకాంతుల దరిచేరి నా హృద్ఘోషను

విన్నవించాలని విరహాగ్నిని ఆర్పగ వెళ్ళితిని!

Image courtesy: www.1art.com